Gibaharan ni Presidente Rodridgo Duterte ang duha ka dagkung telecommunication company sa atung nasud nga mao ang Globe ug Smart nga tarungon ang ilang internet connection kay ug dili mas maayo pa nga ipasirado nila kini.
Kini sa tinguha nga adunay insaktong magamit nga internet ang katawhan ilabi na karon nga gamit kaayo kini sa gitawag ug bag-ong normal gumikan sa COVID 19.
Matud ni Duterte kinahanglan mapalambo pa sa maong mga telcos ang ilang internet connections sa dili pa ang bulan sa disyembre.
Kini kun dili nila boot nga hatagan sila ug sanction sa presidente gumikan sa ilang pagbaliwala lamang sa dili maayong internet connection sa ilang tagsa-tagsa ka mga kumpanya.
Gipanghinaut sa pangulo nga tumanon sa maong mga telcos ang iyang hangyo tungod ug alang sa katawhan sa nasud nga nagkihanglan niini.
