Duha ka drug personalities, gipasakaan na og kaso

15
PC: Misamis Oriental Provincial Police Office

Gipasakaan na og kaso ang duha ka mga drug personalities nga nasikop sa kapulisan sa Misamis Oriental sa milabayng semana.

 

Lakip niini ang 24 anyos nga si Dexter Galagnara, minyo ug taga Zone A6, Amoros, El Salvador City.

 

Si Galagnara nasikop sa kapulisan sa El Salvador City Police Station, nakuhaan sa tulo ka sachet sa gituohang shabu, 500 pesos nga buy bust money ug motorsiklo.

 

Ikaduha mao ang market vendor nga si Glenn Guro Sagrado, 53 anyos, minyo, taga Barangay 18-A, Gingoog City.

 

Si Sagrado nasikop sa kapulisan sa Gingoog City Police Station, nakuhaan sa duha ka sachet sa gituohang shabu ug 500 pesos nga buy bust money.

 

Ang pagpasaka og kaso gikumpirmar nilang Police Supt. Randy Anito, Hepe sa El Salvador City Police Station ug Police Supt. Ariel Philip Pontillas, Hepe sa Gingoog City Police Station.

Facebook Comments