Kapin usa ka libong pulis, gipakatag na sa mga sementeryo ning syudad

21

Mokabat sa kapin usa ka libong mga pulis ang gisugdan na og pakatag sa lain-laing sementeryo ning syudad.

 

Kini ang gibutyag ni Cagayan de Oro City Police Office o COCPO Spokesperson Mardy Hortillosa sa interview sa dxCC-RMN.

 

Matud ni Hortillosa nga sugod kaganihang alas singko sa buntag gisugdan na og pakatag ang 1,300 ka mga pulis sa syudad ug gikan sa Region 10 nga magbantay dili lamang sa mga sementeryo kundili lakip na sa mga terminals, simbahan, malls ug uban pang mga lugar nga daghan tawo.

 

Mapasalamaton usab si Supt. Hortillosa sa usa ka libong mga barangay tanod nga motabang sa pagbantay sa lain-laing sementeryo sa tibuok syudad alang sa paghandum sa adlaw sa mga santos ug kalag.

Facebook Comments