Roxas City, Capiz- Natalana nga pasakaan sang kaso ang duha ka mga persona nga nadakpan sa ginkasa nga buy bust operation sang mga katapo sang kapulisan sa crossing malapit sa Costa Verde Subdivision, Brgy Cagay sining syudad kun sa diin narekober sa mga ini ang shabu nga ginabanta nagabalor sang P650, 000pesos.
Arestado ang mga subject person nga ginkilala kanday Feb Almia, 34-anyos, residente sang Barangay Cagay kag si Alfred Jaguio, alias Wep-Wep, 43- anyos, isa ka freelance beautician, residente sang Barangay Tanque Roxas City.
Nakuha sa kontrol sang mga subject person ang lima ka sachet sang suspected shabu, P20, 000 nga boodle money, single nga motorsiklo, cellphone kag isa ka coin purse nga nagaduag sang brown.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang amu nga mga persona.
