Posibleng mapasakaan ug kaso ang duha ka mga suspetsado human kini makuhaan ug shabu sa gihimong joint buy bust operation sa mga elemento sa police station 4 gipangunahan ni Police Lt. Rodney Gere, ug sa mga personahe sa Regional Mobile Force Batallion 10, 1005TH MC, ug usab sa City Drug Enforcement Unit (CDEU) sa may Prk. 1, Merila, Brgy. Ubaldo D. Laya,ning syudad sa Iligan..
Maoy nasikop ang magtiayong si ALI NATANGCOP y UBAGAN, 35 anyos, kanhi barangay Kagawad, ingon man si JUHAYNIE NATANGCOP y PANGOMPIG, 36 anyos walay trabaho parehong residente sa Barangay Bangon, Marawi City Lanao del Sur.
Nakuha gikan kang ALI, ang 16 ka gagamayng sachet sa gituohang shabu, samtang nakuha usab sa possesion sa iyang asawa ang 33 ka pakete sa gituohang shabu nga adunay estimated street value of P30, 000..
Nadiskubrehan usab nga ang maong lalaki nalakip sa DI watch list, .
Gidetained karon sa police station 4 ang mga dinakpan ug posibleng makasuhan sa paglapas sa R.A. 9165 Art. II, Section 5 ug Section 11.
