Duha pa gid ka estudyante ang nadakpan sang Special Operations Group (SOG) sang Iloilo Provincial police Office sa ginhiwat nga buy bust operation sa Siyudad sang Passi alas 5;30 kaina sang hapon (Nobyembre 8)
Ginkilala ang mga nagkaladakpan nga sanday Darwin Carbolido, 19 anyos, BS Marine student sa isa ka Unibersidad sang Siyudad sang Iloilo kag pumuluyo sang barangay Bitaogan, Passi City kag si Charlie Laruya, 20 anyos sang Barangay Agtambo, Passi City, BS in Hospitality Management student sa Passi City.
Suno kay Police Major Jonathan Pinuela, team leader sang SOG nga una nga nadakpan si Laruya kag masunod si Carbolido.
Ginpahayag ni Pinuela nga si Carbolido ang nagaserbe nga supplier sang druga sa Passi City kon sa diin nabaklan ini sang 8 ka sachet sang suspected shabu sa balor nga 10,000 pesos kag narecover pa gid sa posisyon sini ang 3 pa ka sachet sang illegal nga druga,
Suno pa kay Pinuela nga nagsugod sa pagbaligya sang ilegal nga druga ang mga suspek sang yara pa lamang ang mga ini sa High School tubtub subong.
