General Santos City–Pormal nang napasakaan ug kasong pag supak sa Akta Rebublika 10591 kon pag hupot ug mga armas ug bala nga walay igong dukomento ug Akta Republika 9516 kon iligal nga pag hupot ug eksplosibo ang duha ka mga dinakpan sa hiniusang pwersa sa CIDG 12, CMFC, RIU ug JTF Gensan sa ilahang gipahigayon nga operasyon niadtong milabay nga adlaw nga silang Joyce Ann Formal ug Bai Aiziz Buday.
Sumala pa ni Police Lieutenant Col. Josemarie Simangan ang labaw sa City Mobile Force Unit nga giatubang na sa piskalya ang mga nahisgutang suspect human nakuhaan ang ilang panimalay ug mga eksplosibo ingon manpusil ug gamit sa pag gama ug bomba.
Sa kasamtangan nagtingkagol ang mga suspect sa selda sa CIDG 12 ug gipaabot nalang sa kapulisan nga magpakanaug ug commitment order ang korte aron nga mabalhin na sa mas dako nga bilanguan ang duruha.
Samtang gikabutyag man usab ni P/Lt. Col Simangan nga ang kasong paghupot ug eksplosibo sa mga suspect ang walay pyansa hinungdan nga dili gayud maka gawas ang mga nasnagpit.
Dugang pa niini nga hugot man usab ang siguridad palibut sa Camp Fermin Lira kung asa giditina ang mga suspect, kini tungod makunsidera matud pa ang mga nahisgutan nga high risk detainee tungod usab sa grupo nga gikalambigitan niini.
Kung kahinumduman nga bitbit ang search warrant nga pinirmahan ni Hon Judge Joyce Kho Mirabueno gisulod sa otoridad ang panimalay sa mga suspect nga gika ngong supporter sa ISIS.(Dave Silagan)
