Davao City – Arestado ang duha ka security guard nga giingong nagtrabaho sa Prime Citadel Agency, Inc. human gisumbong sa usa ka informant ngadto sa otoridad nga nakit-an ang duha nga nagdala og armas.
Base sa rekord sa Police Regional Office XI (PRO-XI), mga suspek mao sila si Alchel Tinay Vivas, 36 anyos, minyo nga taga El Carmen, Matina, Davao City ug Jose Marlito Moaña Hayag, 39 anyos, single nga residente sa Purok 9, Brgy. Manat, Nabunturan, Comval Province.
Ang duha nadakpan human wala kini napakita nga legal nga mga dokumento lakip na ang ‘permit to carry firearms outside residence’ ug ‘license to own and possess firearms’ ngadto sa otoridad.
Nakuha gikan sa posisyon ni Vivas ang usa ka homemade Smith and Wesson revolver caliber .357 nga adunay unom ka bala samtang nakuha gikan kang Hayag ang usa ka Armscor revolver nga adunay 5 ka .38 nga bala.
Ang mga dinakpan mag atubang og kasong kalapasan sa RA 10591 kon Comprehensive Firearms and Ammunitions Law.
RadyoMaN Abi Bibera
