Duha ka habal-habal driver gipamusil sa riding in tandem

26

Anaa na sa luwas nga kahimtang ang duha ka habal-habal driver kinsa gipamusil sa riding in tandem nga mga suspetsado alas 9 kapin kun kulang ang  takna sa buntag kagahapong adlawa  sa may Merilla sakop sa Ubaldo Laya ning dakbayan sa Iligan.

Kahinumduman nga naka angkon ug samad pinusilan sila si Warly Encabo, ug si Salmero Delantes human kini gipusil sa mga nakasakay ug motorsiklo nga gilayong misibat sa wala matinong direksyon.

Matud pa, nga samtang nag atang kini ug namasayro ang maong mga biktima sa may Sitio Merilla, kalit kining gipusil sa suspetsado gamit ang .45 nga pistola.

Daling gidala sa City Hospital ang maong mga biktima, samtang ang mga suspetsado padayong gipangita karon sa kapulisan sa Police Station 4 ning syudad sa Iligan.

Padayon usab ang imbestigasyon sa kapulisan kun unsay motibo sa nasangpit nga pagpamusil.

Facebook Comments