Davao City – Mireklamo sa presinto sa San Pedro PNP ang usa ka ginang human giwelgahan sa usa ka hubog ug nangguba pa og balay alas 9:00 kagabii nahitabo sa Mineral Village Gold St. Bajada ning dakbayan.
Subay sa report gikan San Pedro Police Station, ang complainant naila sa pangalan usa ka Zenaida Gonzales, 49 anyos, samtang ang suspek ang iyahang pag-umangkon nga si alyas Dodong Ybanes.
Matud pa samtang ang complainant anaa sa iyang balay, kalit niabot ang suspetsado ug kalit nag wild human giguba ang purtahan sa balay dayon gilabay. Way nahimo ang complainant gawas lamang sa pagpatabang sa kapulisan aron dakpon ang suspek apan abtik nga nakasibat niadtong tungora.
Samtang nagwild usab alas 3:30 sa hapon ug nangbahad pa nga pamatyon ang mga kauban sa balay sa usa ka suspek nga uyoan nga hubog, giila nga si Totet Turalba hingkod ang edad, residente sa Lastimosa Alley Brgy. 7-A human gi-reklamo sa usa ka Ervin Kintanar, 27 anyos, residente sa nasampit nga lugar, ang suspect gisikop sa kapulisan ug gi-kustodiya sa San Pedro Police Station.
RadyoMaN Don Pulayao
