Duha ka indibidwal nga nagpayuhot sa illegal nga dahon sa Marijuana, nadakpan sa drug buy-bust operation

Nadakpan sa gipahigayong drug buy-bust operation sa mga kapulisan ang duha ka mga suspetsado, usa ang babae nga nagpayuhot sa illegal nga dahon sa Marijuana pasado alas 3:20 sa hapon kagahapon didto sa Purok-3A, Barangay West Dalurong, Kitaotao, Bukidnon.

Giila ang mga dinakpang suspek nga si Felipe Gumanon, 32 anyos, ulitawo, laborer ug si Roselyn Gumanon, 29 anyos, minyo, ug pulos mulopyo sa naasoy nga lugar.

Narekober gikan sa mga suspek tulo ka nga nilukot nga papel sa ginadiling drogang Marijuana nga mutimbang og 7.8 gramos ug mukantidad og P945.36 ug ang usa ka P300 bill nga buy-bust money.

Ang mga nadakpang suspek ug ang mga nakompiskang ebidensya ang gidala sa Kitatao Municipal Police Station alang sa tokmang disposasyon samtang iturn-over sa PNP Provincial Forensic Unit sa dakbayan sa Malaybalay ang mga nakompiskang droga alang sa eksiminasyon.

Kasong paglapas sa Sections 5 ug 11, Article II sa RA 9165 kon Comprehensive Dangerous Drugs Act of 2002 ang atubangon sa mga dinakpang suspetsado.