Duha ka insidente sang pagpangawat sang mtorsiklo, narekord sa Koronadal City.

Narekord ang duha ka insidente sang motornapping sa Koronadal City, kahapon nga adlaw, Hulyo 19, 2021
Base sa spot report sang Koronadal CPS, isa ka Honda RS Color Blue, mayTemporary Plate Number 1201-00000309477 nga ginparking alas 5:15 sang hapon sa gwa sang NOVO Department Store ang ginkawat.
Base sa imbestigasyon, alas 5:30 sang papauli na ang biktima nga si Hamed Mando Pangulima, 19 -anyos, single kag residente sang Brgy. Tamnag, Lutayan, Sultan Kudarat sang nadiskubrihan nga wala na ang motorsiklo sa ginaparkingan.
Samtang, ginkawat man ang isa pa ka Honda XRM, Color Black, may Temporary Plate Number nga ginapanag-iyahan ni Eufemia Baclayante Araña, 47 -anyos, empleyado sang Marbel Dynamic Builders kag residente sang Prk. Mabuhay, Brgy San Isidro, Koronadal City.
Sa imbestigasyon sang Koronadal CPS, alas 12:00 sang udto, kahapon nga adlaw, ginpark sang biktima ang motorsiklo sa atubang sang Marbel Dynamic Builders, Brgy. Zone 2 sa diin siya nagatrabaho.
Apang alas 5:00 kahapon nga adlaw sang mapauli na kuntani ang biktima nadiskubrihan sini nga wala na ang motorsiklo sa ginaparkingan.
Samtang sang ginsikyar ang CCTV footages sang establishemento, ginkuha alas 2:00 sang hapon sang wala nakilal-an nga persona nga nakasuksok sang black and white sweatshirt ang motorsiklo sang biktima.
Sa subong nagapadayon ang imbestigasyon sang Koronadal CPS sa duha na naman ka insidente sang motornapping sa syudad.

Facebook Comments