General Santos City—Dakong pabor si Barangay Olympog Kapitan Abeto Gulle sa pag-lugway sa General Community Quarantine sa Gensan. Sumala niini nga dapat lang gyud nga makontrola ang pagsulod sa mga tawo sa GenSan aron nga mopugngan ang pagkatag sa Covid-19 sa dakbayan.
Ang mga reklamo bahin sa hugot nga implementsyon sa GCQ sa Gensan normal lang nga reaksyon sa katawhan, ang mahinungdanon matud pa nga mapugngan ang pagsaka pa sa ihap sa magpositibo sa covid-19. Dakong pabor usab si Tinagacan Kapitan Jeofrey Salanio nga gilugwayan ang GCQ sa Gensan.
Matud niini nga angayan lang gyud nga pabiling pahugtan sa syudad ang pagsulod sa mga tawo nga gikan sa gawas aron usab nga mapugngan ang pagkatag sa virus. Dili matud pa ikalilong nga dihang giubos sa Gensan ngadto an sa Modified Community quarantine ang status sa dakbayan kalit nisaka ang ihap sa mga nataptan sa COVID.
