General Santos City—Nakagawas na sa silda sa Police Station 3 ang duha ka mga katabang sa panimalay sa usa ka Dr. Bobbie Atendido human nga midisisyon ang biktima nga dili na pasakaan ug kaso ang mga nasangpit suspect.
Giila ang mga nahisgutan nga silang Stanly Bas Manti ug Angela Diatan.
Kung kahinumduman nga nagpatabang sa kapulisan ang biktima human nga na diskubrehan niini nga wala na sa iyahang masters bed room ang 2 ka mahalon niini nga relo nga nagkantidad ug 700,000 pesos ug wedding ring nga nag kantidad ug 50 mil ka pesos.
Dihang gipahigayon ang imbistigasyon migula nga ang duha ka mga suspek maoy responsabli sa pagpangawat mao nga sila gisikop ug gibalhog sa presohan apan nakagawas human nga wala na nagpasang-at ug kaso ang biktima.
Nasayran nga nakuha sa posisyon ang duha ang mga mahalong butang nga ilang kinawat gikan sa ilang amo. (Dave Silagan)
