[image: IFM 919 Logo (1).jpg]
NAGSUNGAG ANG DUHA KA KOTSE SA MAY PRK SAN FRANCISCO NATIONAL HIGHWAY BRGY BALUAN NING DAKBAYAN BANDANG ALAS 7 ANG TAKNA KAGABIE. GIKALAMBIGITAN KINI SA USA KA TOYOTA WIGO SEDAN NGA GIMANEHUAN NI GENARA TACLINDO ARREGLADO NGA RESIDENTE SA PRK SAN JOSE BRGY BALUAN UG ANG HONDA SEDAN NGA GIMANIHUAN NI JAIME DELOS SANTOS EBARDO NGA RESIDENTE SA TOWNSITE SA NAHISGUTANG BRGY.
SUMALA SA REPORT NGA ANG DUHA KA MGA SAKYANAN GINASUBAY ANG NATIONAL HIGHWAY SA MANAGLAHING DIREKSYON APAN PAG ABOT SA NAHISGUTAN KALIT LAMANG ANG HONDA SEDAN NIBALHIN SA LANE SA TOYOTA WIGO NGA NAGRESULTA SA ILAHANG PAGSUNGAG.
TUNGOD SA KAKUSOG SA IMPACT NAKAANGKON UG GRABING PAGKAWASAK ANG ATUBANGAN NGA BAHIN SA TOYOTA WIGO SAMTANG NAKAANGKON USAB UG HEAD INJURY ANG SAKAY NGA PASAHERO NIINI NGA GIILANG SI AZIELEAN ARREGLADO NGA GILAYON NGA GIDALA SA SOCSARGEN HOSPITAL. SAMTANG ANG DRIVER USAB SA HONDA SEDAN NAKAANGKON USAB KINI UG HEAD INJURY UG NAGUBA USAB ANG LEFT PORTION SA IYAHANG SAKYANAN.
SA KASAMTANGAN NAGPADAYON PA ANG IMBISTIGASYON SA TRAFFIC MANAGEMENT UNIT SA MAONG PANGHITABO.
