Ginabanta P100,000 ang balor sang suspected shabu nga nakumpiskar sa subject sang buy bust operation sang Police Station 5 sa Prk. Mabinuligay, Brgy. Bata, Bacolod City, las-6:00 sang hapon, Hulyo 5, 2020. Ang suspek ginkilala kay Benard Artizano alyas Bongbong, 48-anyos kag residente sang nasambit man nga barangay.
Nakuha sa paghinakop sang suspek ang small heat sealed transparent sachet nga buy bust item kag dugang pa nga pinutos sang suspected shabu nga ginabanta nagabalor sang P100,000. Detinado na karun ang suspek sa Police Station 5.
Sa pihak nga bahin, balor P17,000 naman nga suspected shabu ang narekober sa buy bust operation sang City Drug Enforcement Unit (CDEU) sang Bacolod City Police Office (BCPO) sa Purok Gonzaga, Brgy Taculing, Bacolod City, nagligad nga Hulyo 4, 2020, las-9:00 sang gab-i. Ang suspek ang ginkilala naman kay Rollyn Debide, 42-anyos kag priso na ini karun sa Police Station 6.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
