Davao City – Gibunalan og dos por dos nga kahoy ug gitionan og pusil ang
duha ka mga lalaki resulta sa pagkaangol niini.
Subay sa report gikan San Ana Pnp ang duha ka biktima mao sila Elorde Rama
Manulat, 24 anyos, ulitawo nga taga-Bangoy St. Barangay Monteverde ug Alex
Aparese Perandos, 26 anyos, laborer ug nasangpit nga lugar samtang ang
suspek mao si Reynaldo Talara hingkod ang edad nga taga New Gotamco Agdao.
Matud pa, samtang ang duha ka mga biktima anaa sa pinuy-anan ni Mrs
Cablinda didto sa Brgy 23-C Boulevard siyudad sa Davao kalit miabot ang
suspek ug nagpasiugda og away.
Gumikan niini nagkalalis ang tulo hinungdan mikuha ang suspek og dos por
dos dayon bunal sa duha ka mga biktima.
Daling misibat si Talara aron magkuha og pusil dayon mibalik kini og
gipangtionan ang duruha.
Ang duha ka biktima igo nalang sa pagpatabang sa kapolisan sa Sta Ana Pnp
aron nila paimbestigahan ang maong insidente.
Radyoman Don Pulayao
