Duha ka lalaki nadakpan sa Buy Bust Operation, shabu nga duolan 14mil nakumpiska

24

Pagadian City – Nadakpan sa otoridad ang duha ka indibidwal atol sa gikasa nga Drug Buy-Bust Operation sa hini-usang pwersa sa Regional Drug Enforcement Unit-9, PDEA-Zamboanga del Sur, Regional Intelligence Division, ug sa tropa 902 Regional Mobile Force Batallion dihang dapita sa Purok Palmera Barangay Balangasan niining syudad sa Pagadian.
Hayan sa prisohan na magpasko ang mga suspetsado nga sila si Allan David Ong aka l Lailong, 29-anyos, ulitawo residente sa Purok Palmera, Barangay Balangasan, Pagadian City, usa ka High Value Individual ug Jason Aldriate Abines, 25-anyos, ulitawo, lumolupyo sa NJK subdivision, Dao, Pagadian City.
Nahipos sa otoridad gikan sa posisyon sa mga suspetsado ang 5 ka pakite sa gituohang shabu nga mukabat sa 2 gramos nga gibana-bana nga mubalor sa 13,600.
Nakumpiska usab ang usa ka libo ka pesos nga nagsilbing buy-bust money ug illegal drug paraphernalia.
Ang mga dinakpan kasamtangan nga gipaslak sa PDEA lock up cell samtang nag-atubang sa kasong paglapas sa Akta Republika 9165 Comprehensive Dangerous Drug Act of 2002.

Facebook Comments