Pagadian City – Problema sa pamilya ang gisundan nga motibo sa kapulisan sa syudad sa Pagadian labot na sa bag-o lang natibo nga paghikog sa 42-anyos nga lalaki sa Purok Waling-Waling, Brgy. Sta. Maria ning syudad sa Pagadian pasado alas 6:00 sa gabii.
Giila ang biktima nga si Clever Bulong 42 – anyos, lumulupyo sa nahisgutan nga lugar.
Sa inisyal nga imbestigasyon nasayran nga alas 5:00 sa hapon nakit-an pa ang biktima sa gawas nga bahin sa pinuy-anan niini apan human sa duha ka oras nakit-an nalang kining patay na pinaagi sa paghihog gamit ang gamit ang usa ka gahi nga wire nag gihikot sa iyang liog.
Ang patay nga lawas sa biktima anaa na karon sa usa ka purinarya ning syudad.
Mahimumduman nga laing lalaki usab nga taga-Brgy. Lipawan, sakop sa lungsod sa Dumingag ang gikataho nga naghihog didto sa Cagayaan De Oro city atol mismo sa pagpatong sa 2020.
Nailhan ang biktima nga si Joemar Aljas, nga nagpamatay gumikan sa gibating depresyon dihang nagkaproblema usab tali sa iyang hinigugma.
