Davao City – Arestado sa San Pedro Police ang duha ka drug pusher sa buy bust operation alas-3:00 sa kadlawon sa Purok 12, St. John, Brgy. 76-A, Bucana, Davao City.
Dinakpan mao sila Wilfredo Pacio, 19 anyos, ug John Michael Montajes, hamtong ang edad, parehong residente sa nasangpit nga barangay, kinsa napalitan og usa ka sachet nga shabu kambiyo ang P1,000.00 nga buy bust money.
Narekober usab sa kapolisan ang laing upat ka pakete nga gituohang shabu nga dunay estimated street market value nga P4,000.00 ug usa ka unit nga cellphone nga maoy gigamit sa illegal nga transaksyon.
Subay sa monitoring sa kapolisan, ang duha anaa sa drug watch list.
Kalapasan sa R.A. 9165 kun Comprehensive Dangerous Drugs Act of 2002 ang i-kaso batok sa duha ka dinakpan.
RadyoMaN Don Pulayao
