Duha ka lalaki sikop sa kasong lugos

38

Davao City – Arestado ang duha ka mga lalaki atol sa gilusad nga managlahing manhunt operation sa kapulisan niadtong Nobyembre 3 sa piila ka mga lugar sa Davao Region.

Unang nasikop alas 5:30 si Florendo Coronel Y Traya Jr., ulitawo, 28-anyos, welder ug residente sa Purok Calachuchi, Brgy. New Katipunan, Matanao, Davao del Sur pinaagi sa gipagulang warrant of arrest ni Hon. Judge Carmelita Sarno-Davin sa RTC, Branch 18, 11th Judicial Region, Digos City sa kasong rape.

Alas 6:30 sa susamang adlaw, sikop sab sa pwersa sa Buhangin PNP si Jim Tongcayadan Y Elvar, 24-anyos, adunay kapuyo, walay trabaho ug lumulupyo sa Pioneer St., DDF Village, Mandug ning syudad subay sa gipagulang Warrant of Arrest ni Hon. Judge Lope Calio sa MCTC, Branch 33, 11th Judicial Region, Ecoland, Davao City sa kasong rape.

Nasayran nga si Coronel anaa sa ika siyam nga Most Wanted Person (Municipal Level) sa Matanao Municipal Police Station.

Sa pagkakaron anaa na sa kustodiya sa managlahing presinto sa kapulisan ang mga dinakpan samtang gihulat nga ma turn over sa korte.

Subay niini gimando ni PRO-XI Regional Director PCSupt. Marcelo Morales nga mas pahugtan ingon i-intensify ang operasyon sa mga police batok sa mga gipangita sa balaod.

RadyoMaN Jason Amisola

Facebook Comments