Duha ka lungsod sa Probinsya, apektado sa pagbaha

17

Zamboanga del Sur – Gumikan sa walay pu-as nga pagbundak sa ulan nga nasinati sa probinsya sa Zamboanga del Sur kagahapon, nagdeklara og class suspension sa tanang level ang duha ka munisipyo sa probinsya.
Sa interview sa RMN-DXPR Pagadian kang Provincial Disaster Risk Reduction and Management Action Officer Francisco Maca, unang nadeklara sa class suspension sa tanang level ang lungsod sa Tukuran ug nisunod gilayon ang lungsod sa Dinas.
Gidugang ni Maca nga unom ka Barangay sa Dinas ang naapektohan sa pagbaha hinungdan nga nakahukom ang local chief executive sa pag-oktaba sa klase.
Samtang sa Tukuran, halos 50 porsyento sa mga lumulupyo sa Brgy. Tag-ulo ang apektado sa pagbaha rason nag gisuspenso ang klase.

Facebook Comments