Salcedo, EASTERN SAMAR – Ha pag bisita ni Vice President Leni Robredo ha probinsya han Eastern Samar, hiya in nag turn-over hin service vehicle ha mga mga kablasanon nga estudyante han Matarinao School Of Fisheries, ha Brgy. Matarinao Salcedo, Eastern Samar ha ilarom han iya Angat Buhay Program.
Sumala kan Robredo, hi Salcedo Mayor Melchor Melgar an nagrequest han mao nga behikulo ha Bise Presidente agud mabuligan an mga estudyante ha mao nga lugar.
An Barangay Matarinao kun hain an eskwelahan in namumutang ha coastal nga lugar. Nagbabaktas an mga estudyante hin 5 ngadto 10 KM ugsa makadangat ha eskwelahan o nagbabayad hin Php50 ha sakayan pandagat.
Labot la han service vehicle, ginnpangunahan gihapon ni Robredo an Ground Breaking han dormitoryo han eskwelahan kun diin pwedi makaka-akomodar hin 30 nga estudyante.
Nagdonar gihapon hi Robredo kaupod an iya mga private partners hin mga Sport Equipment ha Salcedo Central School ngan duha nga solar dryer ha usa nga farm ha Salcedo.
Solar panels naman an ginturn-over ni Robredo ha Brgy. Cabilla ha Quinapondan ha Eastern Samar.
