Davao City – Nagpadayon karon ang gihimong hot pursuit operation sa suspek sa pagpanigbas patay sa usa ka mag-uuma sa syudad sa Digos niadtong Lunes (July 13, 2020).
Nasayran nga naka-angkon og daghang samad tinigbasan sa lawas ang usa ka mag-uuma human gitigbas sa iyang kalalis nga usa usab ka mag-uuma ala-1:50 sa hapon.
Sa report sa Digos PNP, naila ang biktima nga si Fernando Caminade, 41 anyos, taga Sitio Teril, Barangay Kapatagan, Digos City samtang ang suspek mao si Arnol Sarcuaga, alias Boboy, taga Sitio Matti, Brgy. Binaton sa susamang probinsya.
Sa interbyu sa DXDC RMN Davao kang SPO4 Jonathan Flores sa Digos PNP, gibutyag niini nga nagpadayon karon ang ilang gihimong hot pursuit operation batok sa suspek.
“Actually, identified ang suspek nato. Ongoing pa ang hot pursuit operation,” butyag ni Flores.
Nasayran nga una nakabsan sa kinabuhi ang biktima, nakahimo pa kini og tawag sa iyang bayaw nga si Amie Carmilotes nga usa ka Barangay Tanod ug mi-report nga gitibas kini sa suspek human sa ilang panaglalis.
RadyoMaN Kirby Manzon
