Gikalipay sa Provincial Government of Bukidnon ang duha ka mga dagkong kalampusan nga nakuha sa probinsya.
Sa interview sa RMN ngadto kang Atty. Nestor Cajes Jr., ang provincial administrator gibutyag niini nga malipayon siya sa nakuha sa Bukidnon ug angayan lamang usab nga mapasigarbuhon ang katawhan sa lalawigan niini.
Nasayran nga nakapasar ang probinsya sa Bukidnon sa Seal of Good Local Governance (SGLG) sa Department of Interior and Local Government (DILG) ning tuiga.
Base sa anunsiyo sa DILG-10, ang probinsya sa Bukidnon lamang ang nakapasar o nidaug sa SGLG.
Nasayran nga pangandoy usab sa ubang lideres ang maong pasidungog.
Ikaduha, nahimong ika-lima usab ang Bukidnon sa pinaka-adunahang probinsya sa 81 ka probinsya sa tibook nasud.
Matud ni Atty. Cajes nga maoy gibasehan nga sukdanan aron makuha ang SGLG award, kinahanglang pasado ang lokal nga kagamhanan sa Financial Administration, Disaster Preparedness, Social Protection, Peace and Order, business friendliness, environmental protection ug tourism culture and arts.
Gipasabot niya ang base kini sa actual performance sa LGU ug dili kini tumo-tumo lamang.
Dugang pa sa provincial administrator nga gibasehan usab sa pagka-apil sa Bukidnon sa ika-lima sa pinaka-sapian nga probinsya mao nga walay nahitabong kurapsyon ug gi-alimahan ug na- accout ang assets kon katigayunan, ug nagpakita usab kini nga nagmalambuon ang lalawigan.
