Davao City- Naghimo na og follow up investigation ang Panabo Police Station sa pagpusil-patay sa usa ka coconut buyer natigayon sa Purok B, Brgy. Kauswagan, Panabo City ug ginasuta pa og unsay motibo sa maong insidente.
Ang biktima nailhang si Carlos Luzon Cuago, 63 anyos, minyo ug residente sa nasangpit nga lugar.
Sa inisyal nga imbestigasyon sa kapulisan, sa dihang dunay transaksyon sa lubi ang biktima, kalit niabot ang wala mailhing suspek ug gipusil ang biktima sa makadaghan nga higayun igo sa nagkadaiyang parte sa lawas nga miresulta sa iyang hinanaling kamatayon.
Ang patayng lawas sa biktima gidala sa Sta. Teresa Funeral Homes samtang ginapangita na karon sa kapulisan ang mihimo sa maong krimen.
Sa pikas bahin, gituuhang motibo sa pagpusil sa usa ka mag-uuma sa Purok Lumbia Brgy, San Isidro Kaputian District, IGACOS mao ang away sa yuta.
Giila sa kapulisan ang biktima nga si Reynario Gemino Davin, 52 anyos, minyo ug residente sa Purok Sta. Cruz, Brgy. Libertad, Samal.
Base sa imbestigasyon, nanghagbas ang biktima uban ang lain pang mga mag-uuma sa usa ka agricultural land area sa nasangpit nga lugar apan pagka alas 330 sa hapon, niabot ang usa ka giilang Joan Ngap ug gipusil ang biktima sa makaupat ka higayon gamit ang wala pa matino nga armas.
Daling gidala ang biktima sa balay tambalanan ug nakahigaom og samad sa ulo ang biktima.
RadyoMaN Renz Barbarona
