Davao City – Gilayong miresponde ang sakop sa Coast Guard Sub-Station Jose Abad Santos human miabot ang report nga adunay motorbanca nga nasunog sa Brgy Salabayon, Jose Abad Santos, Davao Occidental niadtong April 18, 2024.
Sa report, usa ka concerned individual ang nagpakitabang ngadto sa Coast Guard ug misulting adunay duha ka mananagat ang sakay sa maong bangka sa dihang misilaob kini.
Pagdawat sa impormasyon, naglusad dayon og search ang rescue operation ang otoridad ug malampusong naluwas ang duha ka mananagat.
Sumala pa sa operator nga si Agustin Takser, samtang sila naglawig padulong Brgy. Balangonan gikan sa Balut Island, kalit nagkaproblema ang ilang makina hinungdan sa pag-ulbo sa kalayo.
Sa pagkakaron, ginasuta na usab sa Coast Guard JAS ang damyos nga gibilin sa sunog.
RadyoMaN Ivy Parido
Facebook Comments
