Lake Sebu, South Cotabato–Balhog na sa silda sa Lake Sebu, South Cotabato ang usa ka uyuan nga nailhang si Carlito Aya Cayugan, 44 anyos, mag-uuma ug residente sa Barangay Lam dalag, Lake Sebu human niining gipanigbas ang duha niya nga mga menor de edad nga pag-umangkon alas 6:00 sa Gabie niadtong nakalabayng adlaw.
Matud ni Police Major JS Pedrosa, Hepe sa Lake Sebu PNP kalit lang matud pa nga gipanigbas sa susek ang iyang duha ka pag-umangkon nga nag edad 15 anyos ug 2 anyos.
Nakaangkon ug mga samad ang mga nasangpit kansa daling gidala sa ospital human sa insidente, samtang ang suspek malampuson usab nga nasikop human sa gihimong krimen.
Dugang pagbutyag ni Major Pedrosa nga subay sa ilang imbistigasyon nasuta nga nakasinati ug depresyon ang nasangpit nga suspetsado.
Matud niini nga problemado matud pa ang suspetadong uyuan gumikan mobalik sa abroad ang iyang asawa.
Niadtong nakalabayng adlaw, kalit lang matud pa kining mikuha sa iyang sundang dayon gitigbas ang iyang pag-umangkon nga walay igong hinungdan, maayo nalang nga na-uwang dayon kini sa ilang mga paryente mao nganaluwas ang duha ka mga menor de edad ug paspas nga nadala sa ospital.
