Patay nga lawas sa amahan nga gianod sa baha sa Norala, nakaplagan na

15

Human sa upat ka adlaw nga Search and Retrieval Operations nakit-an na gyud ang patayng lawas sa usa ka amahan nga Prudencio Moreno Kansa gianod sa baha sa lungsod sa Norala, South Cotabato.
Ang patay nga lawas nakit-an sa Liguasan Marsh sa tabang nga usab sa MDRRMO Lambayong. Mismong ang asawa sa biktima maoy miila sa patayng lawas niini diin kagahapong adlawa, nahidangat ang ginang uban sa mga personahe sa PDRRMO South Cotabato ngadto sa Lambayong, Sultan Kudarat aron nga asikasuhon ang patay nga lawas biktima.
Nasayran nga una nang gianod sa baha ni Monero uban sa iyang 14 anyos nga anak nga si Grace, nakit-an dayon si Grace apan miluntad pa ug upat ka adlaw ayha nakit-an ang patay nga lawas sa amahan.
Dako usab ang pagpasalamat sa pamilya sa mga bitkima ngadto sa tanang mitabang aron nga makit-an ang patay nga lawas sa mag-amahan human kining gianod sa baha niadtong adlaw nga Sabado.
Dako usab ang pagpasalamat ni Gobernador Reynaldo Tamayo, Jr. sa team sa South Cotabato Search and Rescue (SCOSAR), MDRRMOs Norala, Surallah, T’boli ug Sto.Niño, CDRRM Koronadal, Red Cross South Cotabato , BFP-South Cotabato ug BFP Special Rescue Team gikan sa Region XII.

Photo Credit to: LGU South Cotabato


Facebook Comments