Nagaplano sa subong ang duha ka mga banwa sa probinsya sang South Cotabato nga magadeklarar sang state of calamity tungod sa mataas nga kaso sang balatian nga dengue.
Suno kay Provincial Health Officer Dr. Rogelio Aturdido Jr. ang nasambit nga mga banwa amo Surallah kag Tantangan nga yara na ang rekomendasyon sini sa Sangguniang Bayan ang deklarasyon sang state of calamity.
Magluwas sa duha ginahingyo man nila ang apat pa ka mga banwa nga magdeklarar sang state of calamity nga amo ang Norala , Banga, Tampakan kag Sto. Niño.
Base sa datos sang talatapan nagagwa nga kalabanan nga mga Barangay nga may mataas nga kaso sang dengue ang Poblacion.
Sa banwa sang Tantangan ang mas apektado sang balatian nga dengue ang Barangay Poblacion, Dumadalig kag San Felipe.
Samtang sa tion nga may duha suno pa nga banwa nga magdeklarar sang state of calamity irekomendar man nila suno kay Dr. Aturdido paagi sa PDRRMC ang pagpaidalom sa probinsya sa state of calamity.
Ginkumpirmar ni Dr. Aturdido nga nagataas ang kaso sang balatian nga dengue sa probinsya tungod sa epekto sang climate change kag ini ang trend kada tatlo ka tuig nationwide.
Nagagwa man nga lagnat pa lang sa subong naganubo na ang platelet amo nga naglab-ot na sa 16 ang patay sa nasambit nga balatian.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
