Patay ang duha ka mga drug suspects human kini nisukol sa kapulisan atol sa gihimong drug buy bust operation sa Purok 20A, Valencia City, Bukidnon alas 9:30 kagahapon sa buntag.
Sa interview sa RMN Malaybalay ngadto kang Police Lt. Col. Surkie Sereñas ang hepe sa Valencia City Police Station gibutyag niini nga ang mga suspek naila nga sila si Justiniano Paloma, 32 anyos nga anaa sa No.9 drug personality-provincial level sa PNP ug PDEA sa Bukidnon ug usa ka Rey canonigo alias “Dodong,” “Stephen”, 20 anyos.
Nakamatikod matud pa kini nga pulis ang ilang naka-transaksyon hinungdan nibunot kini sa iyang armas ug gipabuthan ang mga otoridad ug nisulay pa kini ug sibat sakya sa motor apan gigukod kini sa kapulisan.
Matud ni Col. Serenias nga nahimong running gun battle ang nahitabo gikan sa Purok 21 hangtod nga napuruhan kini didto sa Purok 20A. Gidala pa kini sa hospital apan gideklarang dead on arrival.
Narekober sa crime scene ang 2 ka cal 45 nga pistola, 8 ka sachet sa gituohang shabu nga gibana-banang adunay market value nga P14,000. Gawas pa niini, aduna pay mga narekober nga uban sachet sa droga ang SOCO sa mao nga suspek.
Gidugang sa hepe nga wala pa kini ang mao nga anti illegal drug operation na-engkwentro na nila kini sa Purok 4 ug gihulga pa ang mga intelligence operatives sa PNP ug task force nga patyon maong gihatagan kini ug focus sa kapulisan.
Gidepensa usab ni Col. Serenias ang mao nga panghitabo ug gibutyag niya nga wala nila gigusto nga mahitabo kini apan nisukol ang mga suspek.
