Segun ni Police Captain Hazel Tuazon, DCPO spokesperson nga kasuhan sa paglapas sa RA 10591 in relation to Comelec Omnibus Election Code (BP881) ang duha ka mga suspek.
Pinaka-unang nadakpan sa COMELEC Gun ban mao si Christopher Hintonoro, 34 anyos kinsa gireklamo nga nang-harass og silingan sa may Purok 1C, Brgy. Talomo, Calinan District niadtong Agosto 29,2023.
Sa gilusad nga Oplan Responde sa Calinan Police Station nakuha sa posisyon sa suspek ang improvised homemade firearm
nga “de bomba”.
Samtang, atol sa buybust operation sa Sasa Police Station didto sa Barangay Panacan nadakpan ang Davao City Top 3 drug personality nga giidentipikang si Roldan Villarta alyas Dan-Dan, 49 anyos nga taga-Purok 23-B, Malagamot Barangay Panacan.
Nasakmit sa suspek ang 5.18 grams nga shabu nga mokantidad sa P82,880 ug .38 revolver.
Subling nagpahimangno ang DCPO nga suspendido ang Permit to Carry Firearms Outside of Residence (PTCFOR) ug ang mga law enforcers nga on duty ug nakauniporme lang ang gitugutang magdala’g armas gawas na lang kung aduna silay pagtugot gikan sa COMELEC.
RadyoMaN Aimee Guinita
