Davao City – Magpahigayon og monitoring ang mga Barangay Official sa mga kasikbit nga lugar sa Barangay Catalunan Grande, Davao City, kung aduna bay bag-ong nanganak sa ilang lugar nunot sa bag-ong gianak nga batang lalaking gisulod sa eco-bag ug gibilin sa pick-up truck sa SGR Village, Brgy. Catalunan Grande, Davao City, niadtong Agusto 28, 2023.
Sa interview sa DXDC RMN Davao kang Brgy. Catalunan Grande kagawad Ma.Krystel Macahig, Peace and Order Committee Vice chairman gisulti niini, gimanduan niya ang head sa Brgy.Health Center sa pagsusi sa mga kasikbit nga lugar kung aduna bay bag-ong nanganak.
Segun ni Macahig, kung mailhan ang inahan sa bata, imbetahon sa Barangay aron imbestigahan ug ipailawom sa counselling.
Nanawagan si Macahig, sa mga residente ilabi na sa nakakita o nakahibalo, mamahimong i-report sa Barangay aron mahatagan og aksyon ang maong problema.
RadyoMaN Don Pulayao
Facebook Comments
