General Santos City–Gi-angkon ni Dr. Arvin Alejandro, Provincial Health Officer sa Integrated Provincial Health Office-Sarangani nga tanang lungsod sa probinsya ang aduna nay natalang kaso sa covid19.
Apan gibutyag niya nga kung basehan, usa lang gyud ang kaso sa probinsya nga mao ang gikan sa Maitum ug kini naka-rekober na.
Samtang gibutyag ni Dr. Alejandro nga ginahimo sa matag lokal nga panggamhanan ang tanan aron nga mahatagan ug assistance ang tanang Locally Stranded Indivudal kon LSI ingon man returning OFW.
Gawas matud pa sa assistance para sa mga LSI ug ROF, kinahanglan usab nga hatagan ug pagtagad ang maintenance ug operations sa mga isolation facility.
Dugang pamahayag ni Dr. Alejandro nga sa karon ilahang gina-andam ang lain pang duha ka mga hospital nga maoy mu-cater sa mga confirmed ug suspected cases sa Covid-19.
Gani lakip sa ilahang gin-andam mao ang Kiamba ug Maitum. Gibana-banang anaa sa 15 ngadto na 18 ang bed capacity sa duha ka hospital nga dakong tabang alang sa 15 bed capacity sa covid center sa probinsya nga anaa sa Alabel.
Gilauman usab nga kini matapos sulod sa duha ka bulan kung asa ginahulat nalang nga mu-abot ang mga higdaan ug uban pang himan.(LVR)
