Aurora, Zamboanga del Sur – Imbis nga malingaw, kaguol na hinoon ang gibati sa duha ka mga mag-uuma sulod sa prisuhan human kini nga nadakpan sa kapulisan nga nagsugalay sa drag race sa motor kaniadtong Dominggo sa hapon didto sa Purok Dahlia, Barangay Sapa Luboc, Aurora, Zamboanga del Sur.
Ang mga nadakpan nailang sila sa EDGAR TAMPOOG DUMAT-OL, a.k.a. “Gar” 48 anyos ug si NESTOR OMLAN TUMIMBANG, a.k.a. “Nonoy”, 53 anyos, minyo ug pulos mga residente sa Brgy. Pasingkalan, Ramon Magsaysay, Zamboanga del Sur.
Nakumpiska gikan sa duha ka suspetsado ang nagkadaiyang kantidad sa kwartang papel nga sa kinatibuk-ang ihap mobalor sa 1,500 pesos.
Daling gidala ang mga dinakpan ngadto sa buhatan sa kapulisan sa Aurora alang sa dokumentasyon.
Kasong paglapas sa PD 1602 kon ang mas nailang Illegal Gambling ang gipasaka nga kaso sa duha ka mga mag-uuma nga nadakpan.
