Duha ka mga menor de edad nga naanod sa suba, nakit-an na

PC: RadyoMaN Jonathan Bullo

Nakit-an na kagahapong adlawa ang duha ka mga menor de edad nga naanod sa suba niadtong Sabado sa hapon sa Tambo, Barangay Macasandig ning syudad sa Cagayan de Oro.

 

Unang nakit-an mga alas sais kagahapon sa buntag ang patayng lawas sa 15 anyos nga si Mark Joseph Pajam, Grade 7 ug taga Barangay Carmen ning syudad..

 

Si Pajam nakit-an sa sekyu sa city hall nga naglutaw sa suba duol sa duaw park.


 

Samtang mga alas-2:30 kagahapon sa hapon nakit-an usab ang 12 anyos nga si Rado Omega alyas Miggy nga taga Calaanan, Barangay Canitoan.

 

Mahinumduman nga siyam sila ka managhigala ang nangaligo sa suba ug misulay sa pagtabok gikan sa Tambo, Macasandig paingon unta sa Barangay Carmen nga area sa dihang naanod ang duha ug gipangita sa Oro Rescue.

 

Facebook Comments