Liwat nga ipaidalom sa swab test sa Hunyo 17 subong nga tuig ang duha ka mga pasyenti nga taga-Koronadal kag Tampakan nga lunsay locally stranded individuals nga nagpositibo sa COVID-19.
Suno kay Provincial Health Education and Promotion Officer Hannah Ebeo ang duha ang yara na sa maayo nga kondisyon, samtang ang pasyenti nga taga-Tantangan naman ang tigayon na nga nag-ayo ang ubo.
Samtang padayon nga ginahingyo ni Ebeo sa mga nagasulod sa probinsya nga nagapanghitch nga indi magpanago ilabi na kon halin sa mga lugar nga may local transmission na sang COVID-19 kag magccordinate gid sa mga barangay health emergency and response team agud mapunggan ang paglapta sang nasambit nga balatian sa probinsya.
May-angot sini, duha na naman ang narekord nga panibag-o nga nagpositibo sa COVID-19 sa South Cotabato nga isa ka 23- years old nga babaye, nga halin sa Cebu kag nag-abot sang Mayo 31, 2020, samtang ang 37- years old nga babaye, isa ka OFW nga halin sa Kuwait padulong sa Manila ang nag-abot sa probinsya sang Hunyo 10,2020.
Ang duha ang lunsay mga taga-Banga, South Cotabato kag nagapaidalom sa 14 days quarantine.
