Roxas City, Capiz- Arestado sa bahin sang Pueblo de Panay ang duha ka mga persona sa ginkasa nga buy bust operation sang mga katapo sang Station Drug Enforcement Team(SDET) sang Roxas City PNP.
Ginkilala ang mga subject person nga sanday Jhon Michael Labesora, 18-anyos sang Brgy Tanque- Ilaya, Roxas City kag Raymond Galicto y Camacho, 46- anyos sang Brgy Lanot Roxas City.
Kabug osan nga 15 ka sachet sang suspected shabu ang narekober sa mga suspek. Ginabanta nga P500, 000 pesos ang street value sang mga narekober nga ilegal nga druga.
Samtang nakuha man sang operatiba gikan sa possession ni Galicto ang isa ka unit sang . 45 caliber pistol, tatlo ka magazine kag 23 ka mga bala samtang narekober kay Labesora ang isa ka unit sang . 38 caliber revolver kag lima ka mga bala.
Nahibaluan nga ginakabig high value target drug personality ang amo nga mga persona kag madugay na nga ginatutokan sang mga kapulisan.
Magapangatubang ang mga ini sang kaso nga paglapas sa RA 9165 ukon Comprehensive Dangerous Drugs Act of 2002.
