Roxas City – Arestado sa ginkasa nga drug buybust operation sang Station Drug Enforcement Team sang Roxas City PNP ang duha ka mga persona sa Barangay Loctugan, Roxas City.
Ginkilala ang mga suspek nga sanday Christopher Almojin, 31 anyos sang Barangay Loctugan kag Denver Bernas, 33 anyos sang Barangay Mongpong syudad sang Roxas.
Nakuha sa mga kamot sang mga suspek ang tatlo ka schet sang suspected shabu kag 500 pesos nga marked money. Nahibaluan nga nadakpan man sadto sang mga kapulisan si Almojin bangud sa pagduso sang illegal nga droga apang ginhilway ini pinaagi sa plea bargaining agreement.
Namutikan sang mga pulis nga liwat nagbalik sa pagduso sang illegal nga droga si Almojin rasun nga ginpaidalum ini sa surveillance sang mga kapulisan sa sulod sang tatlo ka semana antes ginkasa ang nasambit nga operasyon. Magapangatubang sang kaso nga paglapas sa RA 9165 ukon Comprehensive Dangerous Drgs Act of 2002 ang mga suspek.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
