MGA ALKALDE SA KABANWAHANAN SA PROBINSYA NGA MALUBHA NGA NAHALITAN SANG BAGYO YOLANDA, GINSAPOL SANG DILG SA CLOSED DOOR MEETING SA ISA KA HOTEL.

28

Ginsapol ni Cabinet Secretary Carlo Nograles pinaagi sa closed door meeting sa isa ka hotel alas 2 kahapon sang hapon ang mga alkalde sang kabanwahanan sa probinsya sang Iloilo nga malubha nga nahalitan sang paglabay sang Bagyo Yolanda sang 2013.

Apesar wala makaabot si DILG Secretary Eduardo Año sa nasambit nga meeting, apang yara naman ang mga opisyal sang DILG sa rehiyon.


12 ka mga alkalde sa northern Iloilo ang gin-imbitar sa meeting nga ginalakipan sang Anilao, Barotac Nuevo, Dumangas, Banate, Barotac Viejo, Ajuy, Concepcion, San Dionisio, Batad, Carles, Balasan, kag Estancia.

Ginpahayag ni DILG Provincial Supervisor Teodora Sumagaysay nga katuyuan sang sinapol nga hibaluon ang status sang housing projects sa nasambit nga kabanwahanan.

Suno kay Sumagaysay nga kon may problema sa pabahay para sa mga naapektuhan sang bagyo Yolanda, pagahatagan ini sang solusyon.

Facebook Comments

From Advertisers