Duha ka mga persona, nadakpan sa buy bust operation sa Barangay Dayao Roxas City!

Roxas City, Capiz – Arestado ang duha ka mga persona sa ginkasa nga buy bust operation pasado alas 3 sang hapon sa Brgy Dayao, Roxas City.
Ginkilala ang nga subject person kanday Levi Yandoc, 28- anyos residente sang Brgy. Cagay, Roxas City kag Nelvin Obafial, 30- anyos ang pang-edaron kag barangay tanod sang Cagay, Roxas City.
Narekober sa mga ini ang tatlo ka sachet sang suspected shabu, P1,000 pesos nga buy bust money, cellphone, pouch kag isa ka motorsiklo.
Suno sa interview kay Police Master Sargeant Ramil Arcangeles, nagabug-at sang indi magnubo sa 10-gramos sang shabu ang narekober sa mga suspek kun sa diin ini ang may yara sang street value nga P130, 000 pesos.
Suno pa kay Arcangeles, nagdugay sang masobra isa ka bulan ang ginpatigayon nga surveillance sang kapulisan sa ilegal nga aktibidad sang amo nga mga persona.
Nangin madinalag-on ang operasyon paagi sa bulig sang mga katapo sang Station Drug Enforcement Team(SDET) sang Roxas City PNP, Provincial Drug Enforcement Unit(PDEU) sang Capiz PPO.

Facebook Comments