Pagadian City – Mag-atubang sa kasong paglapas sa R.A 9165 kon ang mas nailang”Comprehensive Dangerous Drugs Act of 2002″ang duha ka mga suspetsado kinsa nadakpan sa gipahigayong drug buy bust operation kagabie sa Purok Sweet Love, Dumagoc, Pagadian City.
Giila sa kapulisan ang mga dinakpan nga sila si Rey Flores Magallanes a.k.a “REY”, 39 anyos, minyo, usa ka mangletsonay, ug Arnold Atoc Padayao a.k.a “NONOY”, 39 anyos, pulos mga residente sa nasangpit nga dapit ug giilang Newly Identified Drugs Personalities.
Nakumpiska gikan sa mga suspetsado atol sa operasyon ang napulo ka pakete sa gitoohang shabu, 500 pesos nga salapi nga gigamit isip marked money, duha ka cellphone, 2 ka aluminum foil ug 2 ka lighter.
Gibana-banang mobalor sa 22 mil pesos ang kantidad sa nakumpiskang shabu.
Kasamtangang anaa sa kustodiya sa Pagadian City Police Station ang mga dinakpan ug giandam na ang kasong ipasaka batok kanila.
