General Santos City— Giimbitahan ni Lt. James Reyes, tigpamaba sa Naval Forces Eastern Mindanao ug Deputy for Operations ang katawhan sa dakbayan sa Gensan nga mubisita sa duha ka mga barkong panggubat sa nasud Indonesia.
Sumala niya nga ang maong open house ang himuon ugmang adlawa Oktubre 31 gikan alas 9 sa buntag hangtud na sa alas 12 sa udto kung asa kasamtangang anaa sa port sa Makar Wharf ang maong mga barko.
Gawas sa open house, adunay ipahigayon nga friendship game ang mga crew gikan sa Indonesian vessel, uban ang PNP Maritime ingon man mga miyembro sa Joint Task Force Gensan ug mga reservist.
Samtang sa kabahin ni GenSan City Mayor Ronnel Rivera, usa matud pa kini sa mga maayong lakang sa Indonesia nga mapakita sa publiko ang ilahang himan.
Pagpakita lang matud pa ang maong port visit sa maayo ug kusog nga relasyon sa Pilipinas ug Indonesia.
