Digos City—Gi-turnover na ngadto na sa buhatan sa City Social welfare and Development Office (CSWDO)-Digos City ang duha ka minor de edad nga una nang gialigarang maoy responsible sa pag-abli sa pantyon sa 84 anyos nga babaye sa may Digos City nga nahitabo niadtong Setyembre 28.
Sa Pakighinabi sa RMN Gensan News Team kang Police Lt. Col. Ernesto Castillo ang Hepe sa Digos City PNP gibutyag niini nga positibong gitudlo sa mga testigo ang duha ka mga minor de edad nga gilangkuban sa 14 anyos ug 16 anyos nga maoy ni-abli sa pantyon sa biktima.
Tungod niini gi-rescue ang duruha dayon gi-imbistigahan ug didto giangkon sa duruha nga sila maoy niabli sa pantyon sa tigulang.
Gipaklaro hinuon sa opisyal nga wala gilugos ang nasampit nga tigulang sanglit basi matud pa sa saysay sa duha ka batan-on dihang ilang gibira ang patayng lawas, nadala sa paghubo ang underwear sa patayng lawas ug wala na mabalik human miikis matud pa ang duha ka tiil sa tiguwang.
Samtang kawat ang nag-unang motibo sa duruha sa paghimo sa ingon.
Kahinumduman nga Petsa 28 sa Setyembre dihang gilubong ang patayng lawas sa 84 anyos, gabie sa maong adlaw dihang giablihan sa duha ka mga minor de edad ang pantyon sa nasampit aron sutaon kung may mga mahinungdanong butang nga anaa sa lungon niini.
