Davao City – Wala pa’y lead ang Davao Del Sur Kiblawan Municipal Police Station sa mga suspek nga mipusil sa duha ka menor-de-edad 3:30 kagahapon sa hapon.
Ang biktima nga sila alyas Toto, 5 anyos ug alyas Boy, 13 anyos naigo sa pipila ka parte sa kalawasan ug dali silang gisapupo paingon sa Gregorio Matas District Hospital sa mao nga lungsod.
Migawas sa inisyal nga imbestigasyon nga wala niadtong tungora sa panimay ang mga ginikanan sa mga bata tungod kay nag-uma dihang kalit lang gibanhigan sa wala mailhing mga suspek.
Paspas matud pa nakapauli sa pinuy-anan ang amahan human nabati ang sunod-sunod nga boto sa pistola sanglit dili ra pod tanto layo ang iyang uma gikan sa ilang pinuy-anan.
Nagtago matud pa ang mga bata sa kawayanan aron dili makita sa mga mamumuno ug makalikay sila sa mga armado niadtong tungora.
Si PO1 Erick Sotomayor kinsa maoy nagsubay sa krimen wala pa’y matumbok nga hinungdan sa pagpamusil lakip na ang pagkatawo sa suspetsado.
RadyoMaN Joel Viray
