Davao City – Wala pa makit-i hangtod karon ang lawas sa duha ka mga bata nga nalumos alas 12:10 sa udto kaniadtong Mayo 18, 2018 nahitabo sa Zarks Beach Resort sa Prk. Riverside, Brgy. Pindasan, Mabini, Compostela Valley Province.
Sa rekord sa Police Regional Office 11 (PRO-XI) ang mga biktima mao sila si Arianne Joy Telmo, 8 anyos, residente sa Brgy. Quezon, Panabo City, ug laing Vince William Villamor, 7 anyos, residente sa Villarosal, Magugpo, South Tagum City, kinsa nagselebrar sa iyang adlaw’ng natawhan.
Sa inisyal nga imbestigasyon, na-busy og prepara ang mga ginikanan ug magbalantay sa mga pagkaon diin wala na mabantayi nga nalumos ang duha ka mga naasoy kauban ang laing tulo pa niini ka mga paryente nga pulos minor.
Matud pa layo ang gikahimutang sa cottage ngadto sa giligoan nga bahin sa mga bata kinsa pulos nangaanod sa kakusog sa bulhog sa tubig-dagat.
Nasalbar ang laing tulo ka mga bata apan nagpabiling missing sa gihapon ang duha ka mga nasampit diin kasamtangang nagapahigayon og search and retrieval operation ang Mabini Emergency Rescue Team (MABERT).
RadyoMaN Jason Amisola
