Sikop na sa mga awtoridad pinaagi sa Godod MPS ang person of interest nga mi tigbas sa usa ka ginang niadtong adlawng sabado bandang 1:15AM sa kapin kun kulang didto sa may brgy. Bunawan sakop sa lungsod sa Godod.
Ang biktima niini mao si Evelyn Mosa Danggod residente kini sa moang barangay, kinsa gitigbas ni Dodo Manayon Danggod nagpuyo sa may brgy. Rambon, Godod.
Sa nahipos nga impormasyon sa kapulisan, ang biktima miadto kini sa panimalay sa maong person of interest tungod ka yang iyang bana nga si Litol Jack Danggod nag inom kini sa maong panimalay.
Samtang nagpaabot kini sa iyang bana nakatulog kini ug sa iyang pagmata wala na ang iyang bana tungod kay milakaw na kini ug mipauli.
Diha-diha mihanyag si Dodo ngadto kang Evelyn nga ihatod kini sa iyang pinuy-anan sakay sa motorsiklo sa tunga- tunga sa ilang byahe kalit lang kini mihunong ug giingnan niya si Evelyn nga “Parimidyuha ko be” mitubag si Evelyn nga “Nabuang Ka nga Paryente man mo sa akong bana”.
Nagdumili si Evelyn apan gipugos kini hinungdan nga nagdinumugay sila pero gitigbas kini siya ni Dodo gamit ang sundang maayong pagka igo sa iyang ulo walang bahin sa iyang hawak.
Ang biktima nga si Evelyn nakadagan pa ug nakapangayo ug tabang sa duol nga COMPAC sa AFP dali kini siyang gidala sa balay tambalanan.
Kagahapon malampuson nga naaresto sa kapulisan sa Godod si Dodo M. Danggod sa mga kapulisan pinaagi sa pursuit operation ug matod pa ni PO2 Ramil S. Tequil nga laumang ipasaka na ang kaso ngadto sa korte.
