General Santos City–Balhog na karon sa T’boli Municipal Police Station ang duha ka miyembro sa Dawlah Islamiyah Terrorist Group kansa una nang nasikop pinaagi sa gihimong operasyon sa mga personahe sa 5th Special Forces Battalion sa area sa Barangay Basag, T’boli, South Cotabato.
Ang mga dinakpan nailang sila si Hamidin Alab, 32 anyos ug Faizal Alab, 24 anyos nga parehong residente sa Purok Mainog, Brgy. Magsaysay, Polomolok, South Cotabato.
Narekober gikan sa ilahang posisyon ang usa ka springfield rifle, caliber .45 nga pistol ug 9mm ingram.
Sa inisyal nga imbestigayson sa kapulisan ang mga nahisgutan ang igsuon ni Ben Jack Alab nga miyembro sa Dawlah Islamiyah-Maguindanao Group nga gikonsiderang sub group sa grupong Nilong nga lambigit sa nahitabong engkwentro sa Pnp Special Action Force dihang gi-silbihan ug warrant of arrest gumikan sa kasong pagsupak sa Republic Acts 10591, 9165 ug 9516.
Nadakpan matud pa ang duha gumikan sa impormasyon gikan sa mga concern citizen sa T’boli nga nagapahigayon ug pagpang-recruit ingon man pagpanghadlok sa mga residente sa lugar.(LVR)
