Boluntaryo nga nagsungka sa kapulisan ang duha ka ginakabig miyembro sang New People’s Army ukon NPA pasado alas 8:00 sang aga, Sabado nga adlaw sa Sitio Tabudtud, Barangay New Dumangas, T’boli, South Cotabato.
Ginkilala ni Police Senior Supt Nestor Salcedo, Provincial Director sang South Cotabato PNP ang duha ka suspetsado kanday Mitong Garcito “alyas” Marco/Ali kag Jing Garcito “alyas Jen” miyembro sang Guerrilla Front 73 sang NPA nga may warrant of arrest sa kaso nga Arson kag kidnapping and serious illegal detention.
Samtang dala sa pagsungka sang duha ka suspek ang duha ka kalibre 45 nga armas luthang kag isa ka improvised explosive device ukon landmine.
Sa subong nagapabilin pa sa kustodiya sang T’boli MPS detention facility ang mga suspek para sa nagakaigo nga disposasyon sa ila sini nga kaso.
Samtang ginpaintindi man suno pa sa duha ka mga miyembro sang NPA kadungan sang ila pagsungka ang ayuda nga ihatag sang gobyerno ilabi na sa ila sini nga pangabuhian.
Duha ka miyembro sang NPA nagsungka sa kapulisan.
Facebook Comments
