Pangos ug bun-og sa kalawasan ang naangkon sa duha ka motorista apil ang angkas niini human kini nagsingki sa dalang nasyunal didto sa may Brgy. Pob. Alto, Sergio OsmeƱa, ZDN.
Sa report nga nakuha gikan sa kapulisan sa mao nga lungsod gimaneho ni Jonald Jarapan, 23 anyos ang Honda XRM 125 kolor blue uban niya ang duha ka wala gipanganlang angkas samtang lain pang motor nga Honda Supremo gimaneho ni Amelito Patangan, 68 anyos pulos kini sila residente sa may barangay Biayon.
Butyag pa sa mga nakasaksi naglawig kini sa parehong direksyon ang duh aka mga motor padulong sa gas Station, apan kining XRM nga gimaneho ni Jonald kalit lang kining miliko sa toong bahin ug didto na nadumbolan sa gasunod nga motor.
Maayong pagkaligid sa duha ka mga motor apil ang mga sakay, hinuon anaa ra sa luwas nga kahimtang ang mga biktima.
